Os alimentos do outono

Xa estamos na época das castañas. Como se pode ver, as flores femininas do castiñeiro, fecundadas polo pole dos amentos masculinos, convertéronse en ourizos, e coa chegada da choiva aumentaron de grosor e abriron.

No mundo outonal dos poucos reductos de bosque caducifolio que nos quedan, esta é unha época na que se mesturan no chan as castañas, landras, noces, abelás e amorodos, ofrecendo unha boa despensa, abundante e nutritiva, para a fauna silvestre que consegue sobrevivir a tanta persecución e ameazas.