Impacto das treboadas

As treboadas do pasado mes de xullo (no que a precipitación sumou 147 l/m2) erosionou 6 m. do camiño real que vai a Pontevedra a través da parte alta do bosque. Hai cinco días que arranxamos o camiño, tratando de modificalo o menos posible, xa que data do século XVIII e só está enlousado nas costas, polo que a auga tende a escavar a terra do fondo da pendente.

Moitas das visitas guiadas transcorren por boa parte deste camiño que, por manterse en gran medida no seu estado orixinal, aporta calidade ao itinerario.