O territorio da algaria en Ridimoas

Continuamos observando como a algaria (Genetta genetta) segue aparecendo desde hai uns meses nas imaxes das cámaras de fototrampeo, xunto aos carballos.

As carballeiras que resisten son fundamentais para a biodiversidade dentro do bosque. Manter a fauna nestas zonas é crucial para a rexeneración natural do medio, xa que especies como a algaria cumpren un papel indispensable como dispersoras da flora autóctona. Preservar este equilibrio require un traballo constante e un coñecemento do terreo para evitar a perda de biodiversidade.

En Ridimoas continuamos con bebedoiros e comida suplementaria desde o incendio para axudar ao bosque nesta nova etapa. Porque os espazos forestais sen fauna non son bosques.