Acondicionando o camiño da visita

Levamos dez días traballando na parte alta do bosque, reabrindo o camiño por onde transcorrerá a visita do vindeiro 24 de marzo de 2024 (domingo) despois da Asemblea anual.

Este itinerario, no interior do bosque, abrírase por primeira vez en febreiro de 2007, pero volvera pecharse de mimosas invasivas (Acacia dealbata) polo que houbo que repetir o esforzo en acondicionalo, empregando motoserra e ferramentas forestais.