Fauna desaparecida na contorna: Bufo real

Estamos rematando a redacción do boletín informativo Ridimoas 2023, correspondente á memoria deste ano. Como cada ano, salientamos a fauna que foi da contorna do bosque Ridimoas pero que xa desapareceu ou é rara de ver. Esta vez fixámonos no bufo real (Bubo bubo). As últimas observacións desta especie no Ribeiro de Avia, das que nós dispoñemos, foron en 1933 e 1940.

Compartimos as imaxes dun bufo real da Gudiña (Ourense), recollido para rehabilitar, pola actividade extraescolar Aula Verde, da Universidade Laboral de Ourense.

Alumno: Manuel Diéguez Data: 9 de outubro de 1981.