Ridimoas xa é de Utilidade Pública!

Hai uns días saía publicado no DOG o recoñecemento de Utilidade Pública de Ridimoas.

Para chegar aquí percorreuse un longo camiño que comezou cunha Actividade Extraescolar na Universidade de Ourense en 1976, que se consolidou coa fundación da asociación en 1988, e que se fixo grande no IES O Ribeiro durante os anos 90.

Despois de tantos anos de traballo agora recoñecen que o noso labor é importante para a sociedade en xeral, e isto foi posible co apoio de moita xente, especialmente as socias e socios, que dotan a Ridimoas dunha sólida base social e económica. Por tanto, este recoñecemento é un logro de todas e todos vós.

Grazas tamén a Asesoría Castiñeiras de Ribadavia, por encargarse dos trámites precisos para este éxito.

Grazas polo apoio ao longo de todos estes anos!