Prunus lusitanica

Empeza setembro e os acereiros (Prunus lusitanica) do noso bosque ofrecen os froitos.

Os acereiros son vestixios da selva laurácea de carácter tropical, de hai millóns de anos que, co inicio das glaciacións foi sendo sustituída, en gran medida, por flora caducifolia. A súa presenza indica a súa capacidade de supervivencia, resistindo nalgúns ambientes cálidos nos que dispón de auga todo o ano.

Afortunadamente, as ribeiras do regato Caldelas, ou as do curso baixo do río Arnoia, xunto coas temperaturas do Ribeiro, fan que se dean as condicións para que esta reliquia do pasado siga vivindo.