Primavera

A primavera é a estación máis propicia para fixarnos en como as especies do bosque interactúan.

Hai un par de días, nun pequeno paseo pola parte alta de Ridimoas, comprobamos o importante que é para a biodiversidade a floración dunha humilde 𝗵𝗲𝗿𝗯𝗮́𝗰𝗲𝗮 (𝗔𝗻𝗮𝗿𝗿𝗵𝗶𝗻𝘂𝗺 𝗱𝘂𝗿𝗶𝗺𝗶𝗻𝗶𝘂𝗺) moi abundante nos muros da beira dos camiños e á que non sempre lle da a importancia que ten. Sobre as súas pequenas flores puidemos ver moitos insectos, principalmente abellas e abesouros, alimentándose ao tempo que cumprindo coa función polinizadora; e tamén eirugas de bolboretas.

• 

  Abesouro na 𝗵𝗲𝗿𝗯𝗮́𝗰𝗲𝗮

• 

  𝗛𝗲𝗿𝗯𝗮́𝗰𝗲𝗮

• 

  Eiruga de bolboreta

Antes de regresar, decatámonos da existencia dun niño de merlos, na galla dun codeso, do que xa liscaran as crías. Un dos proxenitores aínda emitía o seu característico canto territorial, baixo a chuvisca da tarde. Os merlos tamén contribúen á propagación do seu hábitat arbustivo.