Pomba zura

Aproveitando o pouco tempo que nos queda entre vixianza e mantemento do bosque, tratamos de ir fixando os contidos do Informativo Anual. Nel dedicarémoslle un espazo á pomba zura (Columba oenas), como especie desaparecida ou rara no bosque. A última cita da que temos constancia foi en 1965.

Máis pequena que o pombo torcaz, a pomba zura cría en ocos de árbores vellas, polo que o seu futuro está ligado ás formacións boscosas autóctonas; pero o panorama dos grandes incendios forestais, xunto coas repoboacións de eucaliptos, non fai presaxiar nada bo para esta especie.

Foto: Felipe Bárcena.