Peto verdeal

O inicio da vida en liberdade é unha dura proba que algúns animais silvestres non logran superar, sobre todo nos tempos actuais en que a fragmentación dos hábitats é constante.

Este peto verdeal (Picus sharpei) dunhas tres semanas de vida, foi atopado aturdido nas proximidades do bosque Ridimoas, o pasado 20 de xuño. Despois de tres días de descanso nos que foi convenientemente alimentado, o aprendiz de paxaro carpinteiro, puido ser devolto á liberdade.

Ter, na vida, unha segunda oportunidade é unha sorte que este xuvenil saberá aproveitar.