Os primeiros carballos tralo incendio

Os carballos son das primeiras árbores que naceron tralo incendio no bosque Ridimoas.

A propia fauna encárgase de restaurar o seu hábitat. Micromamíferos como o rato de campo ou aves como o gaio, encárganse de espallar e enterrar landras, lonxe da árbore de orixe. Posteriormente, a humidade e a calor primaveral fan que a landra inicie o seu proceso natural, perdendo a casca e abríndose en dous cotiledóns, dos que xermolarán a parte aérea e subterránea dun novo carballo.

Foto do nacemento dun carballo (Quercus robur) a partir dos cotiledóns da landra nai