Muda dun cobregón

Cando na calor do verán aumenta a humidade ambiente, moitos ofidios aproveitan para cambiar a pel e así poder medrar.

Nestas fotos amosamos a exuvia ou camisa dun cobregón (Malpolon monspessulanus) de 1,31 m de longo, da que se desprendeu o pasado 8 de agosto, na beira dun camiño do bosque Ridimoas, aproveitando os 5,4 l/m2 que, pola tarde, nos deixara unha pequena treboada. Ese día, 8 de agosto de 2022, a temperatura mínima fora de 20ºC e a máxima de 37,8ºC, con vento frouxo do NE.

Como se pode deducir, os factores inorgánicos dun biotopo, inciden directamente sobre os seres vivos que nel habitan.