Limpeza de mimosas na Barbaña

Estes días estamos traballando na paraxe da Barbaña, concello de Leiro (Ourense) en parcelas da propiedade da Asociación. Estamos rozando mimosas (Acacia dealbata) co obxectivo de mellorar o medio forestal e favorecendo a expansión da carballeira de Quercus robur.

Co avance da carballeira ampliaremos a posibilidade de supervivencia da vacaloura (Lucanos cervus), da arcea (Scolopax rusticola) e do peto verdeal (Picus sharpei).

Erradicar mimosas é un labor caro, de moito esforzo e continuado no tempo. A experincia dinos que os 4 primeiros anos son os máis difíciles, pois as mimosas retoñan de raíz e reprodúcense por semente; pero tamén sabemos que con constancia conséguese, e neste labor levamos máis de 30 anos.