Garrulus glandarius

Coa chegada do outono o gaio (Garrulus glandarius) convértese nun dos grandes protagonistas da paisaxe do bosque autóctono, resoando o seu garular en Ridimoas.

Nesta altura do ano, estas aves están inmersas na colleita de landras, que logo enterran para ter a súa propia despensa.

Desta maneira contribúen a expandir as carballeiras, xa que moitas landras non son consumidas e xermolan, converténdose en novas árbores do bosque autóctono.