Esgonzo ibérico

Durante os traballos de limpeza e acondicionamento de parcelas, no bosque Ridimoas, tivemos a sorte de volver a observar dous esgonzos ibéricos (Chalcides bedriagai).

A primeira observación, dun adulto, foi o 2 de setembro a mediodía, a unha altitude de 180 m.s.n.m con 24ºC de temperatura nese intre. A segunda observación, dun xuvenil, foi o 30 de setembro, tamén ao mediodía, a unha altitude de 200 m.s.n.m con 20ºC de temperatura.

Chalcides bedriagai é un endemismo ibérico, moi raro en Galicia. No noso bosque atopa hábitat e clima apropiados para sobrevivir, en espazos que requiren un manexo especial para facilitar que sigan acompañándonos.

Foto esgonzo ibérico: Moncho Fotògrafo