Convocatoria: Asemblea Xeral telemática

Este ano a asemblea tampouco poderá ser presencial. O ano pasado a crise sanitaria e o confinamento pilláronnos cando estabamos a piques de celebrala, o que nos obligou a ter que cancelala. Este ano xa non nos colle por sorpresa, polo que celebraremos a asemblea de maneira telemática a través da plataforma Cisco Webex.

A asemblea terá lugar o día 20 de marzo de 2021 (sábado) desde a Sede de Ridimoas, ás 11:30h en primeira convocatoria e ás 12:00h en segunda convocatoria. Puntos a tratar na orde do día:

1. Aprobación, se procede, da acta da Asemblea Xeral Ordinaria do ano anterior, incluída no boletín.

2. Informe sobre os traballos do bosque Ridimoas e dos traballos realizados durante o 2020.

3. Informe económico.

4. Actividades para o ano 2021.

5. Rogos e preguntas.

Como participar da asemblea telemática?

• Cada socia/o recibirá no correo electrónico un convite coa convocatoria da reunión telemática de Ridimoas. No convite aparecerá o botón de UNIRSE A REUNIÓN. Premendo nel accederase á asemblea a través da plataforma Cisco Webex.

• Días antes da reunión cada socia/o recibirá un recordatorio no seu correo electrónico.

• Pola nosa parte tamén nos poñeremos en contacto a través do mesmo medio para asegurarnos que se recibiu o convite correctamente.

Así mesmo pedimos, na medida do posible, que aquelas persoas que con antelación xa teñan decidido unirse á asemblea telemática, se poñan en contacto connosco, para facer unha aproximación de participantes.

Poden contactarnos a través do correo electrónico asociacion@ridimoas.com