A importancia dos hábitats estables

As aves migratorias son moi fieis ás súas rutas e a alteración ou destrución da paisaxe pode poñer en risco a súa supervivencia.

O caso do paxaro papamoscas (Ficedula hypoleuca) é especialmente relevante xa que é un dos paxaros máis fieis a ocupar os mesmos espazos que ocupou en anos anteriores, transmitíndollo ás seguintes xeracións. Cando se producen alteracións, vese na obriga de procurar outros lugares nos que aniñar ou facer parada durante a viaxe migratoria, o que repercute no seu gasto enerxético e aumenta a mortalidade.

Na foto, tomada o 19 de setembro de 2014, podemos ver o papamoscas pousado nun poste de pedra, na casa de Pablo. No vídeo, tomado o día de onte, 26 de setembro de 2021, volvemos ver un papamoscas no mesmo poste.

Esta especie leva sete anos vindo invariablemente nos mesmos días do mes de setembro e pousando principalmente neste poste, mentres recupera forzas e peso para continuar coa viaxe ao sur.