Hidratando o bosque

Como o tempo anticiclónico non cambia e a seca estival segue alongándose, non queda outra que apoiar ao bosque aportando auga nos bebedoiros de Ridimoas.

Na última semana, ubicamos a cámara fototrampa nun destes bebedoiros que enchemos e puidemos comprobar como todo tipo de fauna silvestre autóctona se pasou a beber e refrescarse, constantemente.

Compartimos un video con imaxes captadas o día 23 de xullo, cando observamos por vez primeira neste lugar un macho de corzo (Capreolus capreolus) bebendo durante un bo rato enriba deste penedo. Nese momento a temperatura era de 36,5°C.

Continuamos defendendo o bosque nunha época moi complicada. Se non es socia/o de Ridimoas e queres colaborar connosco podes asociarte aquí.