Ra de Pérez

Ra común (Pelophylax perezi). A súa característica máis evidente é a liña vertebral verde. Este anfibio anuro é un endemismo da península Ibérica e sur de Francia. Vive en remansos de auga solleiros, podendo acadar os seis anos de vida. O seu nome específico, perezi, púxollo o naturalista galego Víctor López Seoane (1832-1900), en homenaxe ao profesor de zooloxía Laureano Pérez Arcas, da Universidade de Madrid.

Pérez Arcas (1824-1894) era natural de Requena, Valencia. Ata non hai moito o nome científico desta ra era Rana Perezi, que é tanto como dicir, ra de Pérez.

Foto: Cervinho