Avelaíña colibrí

Esta que vedes aquí, voando a plena luz do día durante o solsticio de verán, é a avelaíña colibrí (Macroglossum stellatarum). Como se pode ver, a converxencia cun paxaro mosca é evidente, pero en vez de peteiro a avelaíña sérvese dunha longa probóscide que cumpre coa mesma función: libar o néctar das flores. En xeral, as avelaíñas son nocturnas, pero sempre é posible observar excepcións.

Moitas grazas á César Espinar Conde, veciño de San Cibrao das Viñas, por facernos chegar estas imaxes.