Plantar o futuro

Din que, cando isto pase, haberá actividades produtivas que terán que mudar e reinventarse para non desaparecer. Se analizamos a situación, moitas das actividades máis produtivas son as que máis prexudican ao cambio climático e perda de biodiversidade. Non temos moita esperanza en que as cousas vaian cambiar despois desta crise, pero mentres agardamos a que os novos tempos cheguen, nós continuamos coa vocación reforestadora das terras invadidas por especies alóctonas e coa mellora de hábitats.

Na foto, mostramos as pequenas árbores que están esperando a que, cando poidas, veñas a Ridimoas a plantar un futuro de verdade.