15 anos con Mancha

Hoxe a nosa compañeira, a egua Mancha, cumpre 15 anos! E foron 15 anos acompañándonos nos traballos diarios do monte, sendo tamén o seu lugar de recreo. Durante todo este tempo converteuse na gran valedora de Ridimoas, demostrando ser moi competente en labores de vixilancia.

Nestes anos, a Mancha tivo que superar algunhas doenzas propias de equinos, pero grazas aos coidados veterinarios puido afrontalas e recuperar a saúde.

Estamos moi agradeidos pola sorte que temos de poder compartir estes 15 anos con ela, e esperamos que sexan moitos máis!