Vagalume de inverno

O 15 de xaneiro, pola noite, cando nos dispoñiamos a regresar do bosque, despois de facer un conteo de mamíferos, vimos un punto de luz brilante no chan, era un vagalume ou lucecú, como tamén se lle chama por aquí...

Acostumados a velos no verán, sorprendeunos moito encontrarnos con el, pero alí estaba alumando como unha lámpada!

A temperatura mínima fora de 11°C e a máxima de 15,5°C, cun 85% de humidade a mediodía e chuvisca na noite anterior.