Sen rastro do Chasco

Como tódolos anos por estas datas, xa estamos en plena preparación do noso boletín informativo anual, no que damos conta do traballo realizado pola asociación e salientamos o máis relevante da flora e fauna autóctona.

Nesta edición, dedicarémoslle un espazo a un paxariño que antes era moi común no Ribeiro de Avia e que na actualidade non conseguimos localizar, dándoo por desaparecido da nosa contorna: o chasco (Saxicola torquata).

E para iso contamos coas fermosas fotos que nos fixo chegar o noso grandísimo compañeiro e amigo Pedro Holgado Garcia, tomadas na comarca das Villuercas (Cáceres), onde a especie aínda é frecuente.