A reprodución do carballo

En abril comentabamos o doado que era nesa altura observar as flores femininas e masculinas nos carballos (Quercus robur); o pole do amento masculino fecunda ás flores femininas e nelas nacen as landras.

Agora, nestes días, xa se pode ver esta nova etapa reprodutora, con pequenas landras nacendo das flores femininas, e que no outono caerán e serán alimento para a fauna silvestre e semente de novos carballos, unha das árbores máis representativas do bosque autóctono en Galicia.