Noitebra ferida

Desde que comezou a primavera chegaron á nosa terra moitas aves migratorias, seguindo o instinto da procreación. Entre estas especies está a noitebra (Caprimulgus europaeus), ave noiteira insectívora que cada ano ten que sobrevivir ás trampas mortais que lle impoñemos: tendidos eléctricos, aeroxeneradores, tráfico, vidreiras, destrución de hábitat, etc.

Agora estamos tratando de recuperar a este macho adulto de 70 gramos de peso, 53 centímetros de envergadura e 26 de longo, e que, como moitos outros, foi atropelado na estrada. O atropelo fracturoulle a á dereita e baleiroulle o ollo do mesmo lado. Cremos que tal vez sexa irrecuperable pero imos tentalo!

Procedencia: Eiras (San Amaro) Ourense.