O tesouro do Gaio

Estamos no outono e, nesta época do ano, o gaio (Garrulus glandarius) enterra castañas, landras e noces no chan, como reserva alimenticia para o inverno, pero moitos destes froitos xermolan e permítenos ver nacer árbores. Trátase pois, dunha ave fundamental para a rexeneración dos bosques autóctonos.

E emulando a este imprescindile córvido, o socio Javier Estévez fainos chegar unha foto cunhas landras listas para enterrar e, pola pluma atopada, parece que o gaio anda preto!

Landras e pluma de gaio. Foto: Javier Estévez.

Gaios en Ridimoas. (Garrulus glandarius). Foto: Mani Moretón.