Os efectos da avespiña do castiñeiro

Estes son os efectos que a avespiña do castiñeiro (Dryocosmus kuriphilus) provoca. Non é a primeira vez que os mostramos, xa que en Ridimoas levamos dous anos detectando a presenza desta avespa.

A avespiña do castiñeiro é orixinaria da China, foi detectada en Italia no ano 2002 e chegou a España no 2012. En Galicia foi detectada no ano 2014. Cada femia pon entre 100 e 150 ovos dentro das xemas dos castiñeiros, cun período de incubación de 30 a 40 días.