Dúas parcelas máis mercadas.

Cumprindo cos obxectivos fixados para o presente ano, xa se mercaron as dúas parcelas forestais propostas na asemblea xeral do 8 de marzo de 2015.

A primeira, de 7.861 m2 de superficie é a nº 96 do polígono 5, na ladeira de exposición leste do bosque Ridimoas. Está formada por carballeira e algo de monte baixo debido ao tendido eléctrico. Esta é unha parcela moi frecuentada por buxatos (Buteo buteo) con frecuentes visitas do miñato queimado (Milvus migrans).

A segunda, de 1.854m2 de superficie é a nº 7 do polígono 11, tamén de exposición leste, situada entre o camiño forestal das Regadas a Beade e o dos arrieiros no tramo da ruta das Sinadas. Con piñeiros (Pinus pinaster) e mimosas (Acacia dealbata). Neste mesmo ano trataremos de eliminar as mimosas para mellorar a calidade do hábitat.

O total invertido na merca das dúas parcelas foi de 7.500€, máis 750€ que levou o Ministerio de Facenda en impostos de transmisións patrimoniais.