Avelaionas, as primeiras en criar.

Moitas parellas de avelaionas (Strix aluco) están atarefadas estes días coa crianza. De tódalas rapinas noiteiras son as primeiras en iniciar o ciclo reprodutor. A necesidade de atopar alimento para as crías fai que frecuenten as estradas na procura de pequenos animais atropelados e, algunhas veces, elas mesmas sofren impactos cos vehículos, tal como lle pasou a este macho de 340 gramos de peso da bisbarra do Carballiño, que tivo que permanecer seis días en recuperación. Por fortuna, o 20 de marzo de 2015 puido volver ao seu territorio.

Ciclo biolóxico da avelaiona:

Xaneiro: cantos de posesión de territorio (ululan).

Febreiro: posta e inicio de incubación de ovos. Normalmente de dous a catro.

Marzo: remate de incubación e crianza.

Abril: crías totalmente emplumadas.

Maio-xuño: crías totalmente emplumadas e abandono do niño.