Solta dun buxato
- Paula Rodríguez Domínguez
- 11 feb 2015
- 1 Min. de lectura
O 10 de febreiro de 2015, devolvemos á liberdade un buxato (Buteo buteo) que fora recollido moribundo na estrada autonómica OU 210, por unha muller veciña de Leiro, o pasado 23 de xaneiro, nas proximidades de Vieite (Ourense).
Estrella, que así se chama a muller que recolleu a rapina, púxose inmediatamente en contacto con Pablo, presidente da asociación Ridimoas e, os coidados urxentes facilitados dende entón, lograron que empezara a recuperarse lentamente ao longo dos dous primeiros días. Despois permaneceu nunha instalación en penumbra, totalmente illado da presenza humana, onde recibiu abundante comida por espazo de 16 días antes de ser soltado nas proximidades do lugar onde fora recollido.
O seu voo foi perfecto elevándose no aire como se nunca deixara de facelo.
Polos datos biométricos adxuntos e pola cor amarela intensa da cera do peteiro, consideramos que se trata dun macho.
Peso inicial: 620 gramos.
Peso na solta: 780 gramos
Longo: 44 centímetros
Envergadura: 117 centímetros.
A foto seguinte mostran ao buxato encachirulado, durante un control do seu peso no momento da solta.
