Derradeira lúa chea do 2014
- Paula Rodríguez Domínguez
- 7 dic 2014
- 1 Min. de lectura
Onte, 6 de decembro de 2014, foi a derradeira lúa chea do ano, correspondente co mes do sabugueiro. Fotografámola no bosque de Ridimoas ás 20h na paraxe da Anduriñeira cando remontou as nubes, elevándose polo leste e facendo posible a instantánea cun sabugueiro en primeiro plano. Dúas horas despois comezou a amosar unha fermosa aureola que, combinada co arco da vella, luciu o resto da noite.
Con esta pequena lúa chea estamos a chegar ao final do ano celta. Os antigos druídas sabían que o ano remataba: os sabugueiros tiñan follas novas e os bidueiros perdían as súas levadas polo vento coma escamas de ouro vello.
Xa só faltan 15 días para que o fin deste ciclo natural enlace co principio doutro que esperamos sexa favorable para todos. En total o periplo sumará 13 meses de 28 e 29 días alternos; eles non contabilizaban o 23 de decembro.
