Calendario celta: mes do Sabugueiro

Comeza o mes do sabugueiro (Sambucus nigra).

Derradeiro mes do ano.

Nome celta: RUIS.

Durará dende o 25 de novembro até o 22 de decembro.

A lúa chea será o vindeiro día 6 de decembro.

Os druídas celtas sabían que o ano remataba cando os sabugueiros comezaban a amosar as follas. O sabugueiro vexeta nos solos frescos e fértiles de case toda Europa, Asia Menor e o Cáucaso. En Ridimoas podemos velo principalmente no polígono 3, nas marxes e proximidades do regato A Barbaña, lugar no que hoxe se fixeron as fotos.

As follas que agora asoman á vida serán compostas de 5 a 7 foliolos lanceolados de bordes serrados. Entre agosto e setembro é cando as bagas aviñadas do sabugueiro maduran e serven de alimento a moitos paxaros.