Calendario Celta: Mes da Hedra

Calendario celta: comeza o mes da hedra (Hedera helix).

Nome celta: Gort.

Durará dende o 30 de setembro até o 27 de outubro.

As hedras son o símbolo da paciencia; gabean polos muros, terrapléns, penedos e troncos das árbores co seu avance lento pero constante, agarrándose con tenacidade ao soporte. Nestes días as hedras de Ridimoas amosan xa as umbelas, aportando polen aos insectos e, cando as bagas acaden a madurez, tamén darán comida a moitas aves como os merlos e tordos.

As foto que mostramos esta tomada dunha hedreira que medra exposta ao nordés na paraxe do Valdasmo, á beira do camiño medieval Ribadavia-Pontevedra que pasa pola parte alta do bosque.