Calendario Celta: Mes da Abeleira

Comeza o mes da abeleira (Corylus avellana).

Nome celta: Coll.

Durará dende o 5 de agosto até o 1 de setembro.

No bosque Ridimoas existe un fermoso abeledo que enmarca un tramo do regato A Barbaña, afluente do río Avia.

A abeleira é a árbore da sabedoría e dos poetas. Os celtas podían castigar coa morte a quen cortase unha abeleira sen motivo xustificado. A vara da abeleira foi mística e adiviñatoria, foi cetro de reis, foi caxato de pregrinos, foi reliquia de enterramentos, foi aguillada de carreteiros, foi a vara de Thor, foi brecha mortífera, foi a vara de amor e paz de Mercurio, foi... a variña máxica dos contos de fadas da infancia!