Calendario Celta: Mes do Carballo

Comeza o mes do carballo (Quercus robur). Nome celta: DUIR.

Durará dende o 10 de xuño até o 7 de xullo. O carballo marca a metade do ano celta. En Ridimoas está moi presente e forma densas carballeiras nas que tamén aparecen touzas de cerquiños (Quercus pyrenaica).

No verán a densa follaxe dos carballos, de textura plastificada, acada unha intensa cor verde esmeralda. O seu froito, as landras, caracterízanse por ter pedúnculo longo. No outono a abundancia de landras producidas son o principal sustento de moitos animais, principalmente do porco bravo. No interior dalgúns troncos vive a eiruga da vacaloura (Lucanus cervus).