Calendario celta: Mes do Estripeiro

Comeza o mes do estripeiro (Crataegus monogina). Nome celta: Vath. En castelán: Espino.

Durará dende o 13 de maio até o 9 de xuño.

O estripeiro é un arbusto espiñento, caducifolio, que en Ridimoas vexeta asociado ós abruñeiros. Normalmente medra entre 2 e 4 metros de alto pero en ocasións ten acadado dimensións arbóreas. A súa lonxevidade tamén é importante, podendo chegar até os 500 anos. Con frecuencia, este arbusto é empregado como patrón para enxertar diversas árbores frutais, principalmente a pereira e a mazanceira.

Foto: Pablo Rodríguez.