Primeira flor de madreselva
- Paula Rodríguez Domínguez
- 21 abr 2014
- 1 Min. de lectura
A madreselva (Lonicera periclymenum) é unha planta gateadora leñosa que pode acadar os tres metros de altura, abundante en Ridimoas, onde vexeta nas beiras dos camiños, enroscándose en arbustos e árbores. As flores, ó principio, son de cor branca amarelenta con pintas vermellas no ápice; pero despois da polinización tórnanse alaranxadas, desprendendo un delicado aroma moi perceptible nalgúns hábitats do bosque. As follas de madreselva constitúen o alimento das larvas negras da bolboreta diurna Euphydryas aurinia que as invaden dende os primeiros días da primavera. As bagas, de cor vermella, non son comestibles.
Hoxe, 22 de abril, puidemos ver as primeiras flores desta planta.
Datos meteorolóxicos:
mm:0
Mínima:4 (orballo)
Temperatura a mediodía:17ºC
Máxima:19ºC
Nubes: Estratocúmulos
Ceo:Fragmentado
Vento:Brisa forte do SE
Foto: Xusto Veloso.
