Calendario Celta: mes do salgueiro

Comeza o mes do salgueiro (Salix atrocinerea).

Nome celta: SAILLE.

Durará dende o 15 de abril até o 12 de maio.

Da madeira do salgueiro facíanse os culeiros, cestas da vendima e arcos das pipas do viño; e da súa casca obtíñase a salicilina, que é un glucósido básico para elaborar a aspirina.

O salgueiro tamén vive nas proximidades da auga. En Ridimoas é común no regato da Barbaña. Neste calendario mostramos as características dun salgueiro na paraxe do Valdasmo, na parte alta do bosque Ridimoas, que vexeta á beira dunha poza no camiño das Regadas a Beade.

Foto: Pablo Oitabén.