Itinerario do 9 de marzo.
- Paula Rodríguez Domínguez
- 5 mar 2014
- 1 Min. de lectura
O día 9 de marzo, ás 16:00 horas, e despois do xantar, faremos unha visita ó bosque (imprescindible: traer calzado impermeable). Empezaremos o percorrido na igrexa de Beade e dende alí faremos a pé un itinerario polo polígono 3 e pola zona sen catastrar do Concello de Leiro, pertencente ó bosque Ridimoas.
Dende o contorno da igrexa (100 m.s.n.m.) descenderemos seguindo o camiño de Covelo ata chegar ó regato A Barbaña ou regato de Caldelas. Alí comprobaremos o resultado da repoboación con freixos (Fraxinus angustifolia) podendo ver fermosos pés de acereiro (Prunus lusitanica) así como bidueiros (Betula pubescens), salgueiros (Salix atrocinerea), fento real (Osmunda regalis), etc. Xa no termo municipal de Leiro, veremos todo o que queda por facer na erradicación de mimosas co gallo dunha posterior delimitación catastral das nosas parcelas. Nesta parte veremos bastantes carballos (Quercus robur), cancereixos (Sorbus aucuparia) e cerdeira de acios (Prunus padus).
Ó regreso cruzaremos o noso abeledo de abundates abeleiras (Corylus avellana) e pasaremos por diante das ruínas do muiño.
Foto: Xusto Veloso.
