Floración dos primeiros narcisos

Xa empezan a florecer os primeiros narcisos do ano no bosque.

O narciso amarelo (Narcissus bulbocodium) habita en Ridimoas nuns pequenos pastizais invadidos por xestas e toxos asentados nunha pequena capa de solo sobre laxa granítica, preto do camiño das Regadas. Nun destes hábitats contamos ata 80 espécimens. Ás beiras dos camiños e carreiros aparecen os narcisos brancos (Narcissus triandrus).

O nome de narciso ten a súa orixe no término grego narkê, que significa aturdimento. A posición inclinada das flores deu pé á lenda sobre un mozo tan profundamente enamorado de sí mesmo que chegou a amar o seu propio reflexo e acabou convertido en narciso.

Fotos: Pablo Oitabén.