Actividades: 9 de marzo de 2014
- Paula Rodríguez Domínguez
- 21 feb 2014
- 1 Min. de lectura
O día da asemblea é un día moi completo. Ademais da susodita asemblea, levaranse acabo unha serie de actividades, como é a visita á exposición permanente sobre Ridimoas sita no I.E.S de Ribadavia. No vestíbulo do mesmo edificio estará unha mostra de gravados sobre a flora e fauna do noso bosque, realizados polo artista Poldras e que os socios/as poden adquirir a un prezo especial de 20€. Tamén haberá á venta mel das abellas do socio Celso Gómez a un prezo de 6€ e tamén se poderán mercar por 5€ a carpeta didáctica do bosque.
Ás 14:00 horas, xantar no mesón A Lareira. O menú será un bo cocido, viño, postre e café por un custo de 15€ por persoa. Pregamos ós socios e socias que decidan xantar connosco (poden vira acompañados de familiares ou amigos) avisen ata o 5 de marzo no teléfono 988480062 ou polo email asociacion@ridimoas.com.
Ás 16:00 horas haberá visita ó bosque da man do presidente da asociación Pablo Rodríguez Fernández. Desprazarémonos 5km ata a contorna da igrexa de Beade e dende alí faremos un itinerario a pé polo polígono 3 e pola zona sen catastrar do Concello de Leiro, pertencente ó bosque Ridimoas. Pregamos que os asistentes traian calzado impermeable.
Esperamos que pasen un bo día!
foto: Valeiras.
