CALENDARIO CELTA: mes do Freixo

Do 18 de febreiro ata o 17 de marzo.

O pasado 15 de febreiro foi lúa chea (dato que indicaba ós celtas que estaban nos últimos días do mes).

Hoxe, 18 de febreiro, empeza o mes do freixo, de nome celta NION. En castelán: fresno. A especie presente en Ridimoas é Fraxinus angustifolia; mentres que en Europa central e ata o Cáucaso exténdese a área de Fraxinus excelsior.

No bosque Ridimoas temos censados tres freixos medianos na paraxe da Barbaña, pero a finais de 2013 repoboamos dúas parcelas desta paraxe, cruzada polo regato do mesmo nome, para aumentar a poboación de freixos.

Foto: Paula Rodríguez Domínguez.