top of page

Orquídea (Orhis morio)

O 15 de marzo de 2013 atopamos esta orquídea na nosa parcela 4 do polígono 12 na paraxe do Valdasmo. Tratábase dun único exemplar de 20 centímetros de alto que estaba vexetando debaixo do tendido eléctrico de alta tensión. Aquí rozamos estrume para a egua e por defecto das repetidas rozas manuais o terreo, pouco a pouco, vaise parecendo a un pasteiro con preponderancia da herba Agrostis curtisii.

As flores desta orquídea son de cor púrpura intensa. Na parte subterránea presenta un par de tubérculos que fan lembrar a testículos, en grego orchis, de aí o nome xenérico. Posiblemente os invernos e primaveras de moita choiva fagan que xermole esta orquídea.

 

Fotos: Eilún del Pazo.

 

 

bottom of page