De maio a xullo, os estralotes lucen a cor maxenta das súas flores por todo o bosque. En Ridimoas son abundantísimos especialmente nas beiras frescas dos camiños e nas terras nitroxenadas dos acaciais despois da eliminación de mimosas. O estralote, de familia Escrofulariaceae é planta bianual ou vivaz que no primeiro ano de existencia só emite follas baixas e no segundo é cando eleva o talo con acios de flores colgantes para o mesmo lado.