Di un refrán galego: "Se o cuco non canta entre marzo e abril, ou o cuco morreu ou o fin vai vir". En Ridimoas, o inconfundible canto desta ave migratoria de 33 cm de longo é  escoitado ano tras ano, constituíndo, a principios da primavera, parte da paisaxe sonora do noso bosque. Os cucos chegan de África tropical occidental, de países como Ghana ou Costa de Marfil e regresan desde xullo e agosto, efectuando a viaxe pola noite. Gustan cantar nuns pousadeiros determinados que usan ano tras ano. En Ridimoas, un dos seus pousadeiros preferidos é a punta dun eucalipto seco na paraxe do Valdasmo á beira do camiño das Regadas.