Aínda que é unha cobra de auga, podemos atopala moi retirada dos cursos dos ríos, sempre e cando dispoña de pozas ocasionais con anfibios para alimentarse, tal e como sucede en Ridimoas onde a temos observado no mes de xuño, capturando larvas de píntega nas pozas do Poenxo e Valdasmo, aproveitándose da baixada de nivel de auga e da imposibilidade de escapatoria dos anfibios máis atrasados en completar a metamorfose.