Observada totalmente florida, por primeira vez, o 26 de marzo de 1996, no máis sombrizo da rega de Ridimoas.

A textura e configuración das pólas son bastante parecidas ás do sanguiño, polo que se diferencia bastante da cerdeira común (Prunus avium). A inflorescencia está formada por un acio de flores brancas composta, cada unha delas, por cinco pétalos. As follas presentan bordes finamente aserrados. O froito son unhas cereixiñas que, ó madurar varían de cor vermella a negra.