Este espléndido coleóptero que mide de 30 a 40 mm, pasou de ser abundante, no concello de Beade, a ser raro. Como, a parte do serrín e troncos de carballos, as larvas tamén se desenvolven no esterco, pensamos que o descenso da súa poboación débese ó cambio de abonado nas viñas e hortas: abandono do esterco orixinado, nas cortes, por vacas e porcos a favor doutros productos alternativos; o que hai que sumar o emprego masivo de herbicidas e pesticidas. Con todo, desde mediados de maio ata agosto, aínda é posible observar e escoitar o son característico do seu voo nocturno.