Todo empezou en 1977 cando o actual presidente, Pablo Rodríguez Fernández (Oitabén), decide impulsar a actividade extraescolar "Aula Verde" da antiga Universidade Laboral de Ourense.
Nunha primeira fase logrouse sensibilizar ós alumnos/as na conservación da natureza, especializandose na rehabilitación de fauna silvestre. Para esta actividade mantiñase unha estreita relación coa xefatura provincial do Icona.
O terceiro posto acadado na fase nacional do Premio Holanda premiou o labor conservacionista dos alumnos en favor das aves de presa. A partir daquí a mellora nos hábitas das especies protexidas sería o norte das actuacións, comprendendo que a mellor maneira de aumentar o espacio vital da fauna silvestre era restaurar os montes que desde había anos viñan sufrindo o efecto devastador dos incendios forestais.
En 1988 a "Aula Verde" recibe o premio nacional: Ano Europeo de Medio Ambiente, patrocinado por Plus Ultra. Dito premio dotado con 500.000 pts permitiu fundar a Asociación Cultural-Ecolóxica Ridimoas, coa intención de mercar as terras que conforman o espacio forestal ribeirán de Ridimoas. Dende entón vense comprando, aproximadamente, unha hectárea por ano, controlando un total de cerca de 300 hectáreas acollidas á figura de protección de Refuxio de Fauna.
A labor conservacionista levada a cabo por Ridimoas nos seus anos de existencia foi recoñecida con moitos premios, entre os que destacan: Unesco, Bandeira Verde de Galicia e Félix Rodríguez de la Fuente.
Na actualidade somos 1.158 socios/as que pagan unha cota mínima de 20 € ó ano, que os converten en propietarios fiscais das terras adquiridas.
Tipo de Bosque: Bosque de transicción entre a Rexión Floral eurosiberiana e a Rexión Floral mediterránea, con clima oceánico-mediterráneo, en altitudes comprendidas entre os 80 e 300 m.s.n.m.; no concello de Beade, comarca do Ribeiro, provincia de Ourense (Galicia).
O climax do bosque estaría formado por carballeira de Quercus robur e Quercus pyrenaica con sotobosque de rascacú (Ruscus aculeatus), érbedo (Arbutus unedo), distintas especies de fentos, etc; con pés relictos de cerdeira de acios (Prunus padus).
"El principio nunca fue la punta nítida y precisa de una línea, el principio es un proceso lentísimo, demorado, que exige tiempo y paciencia, que tantea el camino como un ciego hasta percibir en que dirección se quiere ir"
José Saramago, La Caverna
Falan de nós
Los visitantes ya son la segunda fuente de ingresos de Ridimoas [La Región]
A Asociación Ridimoas recupera un muíño medieval [La Voz de Galicia]
Ridimoas, así se fai un bosque [La Voz de Galicia]
Ridimoas, premio Félix Rodríguez de la Fuente [La Voz de Galicia]
Mil copropietarios preservan 300 hectareas [El Correo Gallego]
Colectivos naturalistas compran terrenos [El Pais]
Reconciliarse coa Especie Humana [Alfredo Conde]
Recordo dun inferno [Manuel Rivas]
Ridimoas, tres décadas protexendo o bosque autóctono [Praza Pública]